「 心得分享 」怎樣去品嚐一杯精品咖啡?

精品咖啡越來越盛行,大家對咖啡的要求亦提升了很多。可能好多人都會問,究竟怎樣去品嚐一杯精品咖啡,怎樣去評價它們的品質呢?

 

小編雖然不是甚麼咖啡達人,但這兩三年每日都跟不同咖啡師交流,大慨學到不少專業的咖啡知識。其實要品嚐一杯好的咖啡,真是有好多地方學習,成個咖啡享受體驗真是非常的多姿多彩。不如就讓小編分享一下自己的見解吧,若有不是,亦歡迎大家多多指點交流。

 

普遍來說咖啡主要分做兩大類,第一類用意式咖啡機沖的黑咖啡或白咖啡,第二類是手沖出來的咖啡。品嚐的方法可能會有少少分別,例如白咖啡即係加了奶的咖啡,品嚐的時候都可能會欣賞個拉花藝術。今次小編,就試下分享下怎樣品嚐手沖咖啡,希望下次再有機會都可以分享下 Espresso 或者係牛奶咖啡品嚐的特點。

 

主要我們分開兩部份,第一部份分享一下一杯好的咖啡有甚麼元素、以及普遍用來描述咖啡的準則,而第二部份就係品嚐的方法了。

 

 

六個描述咖啡的元素

 

咖啡真係博大精深,小編嘗試歸納不同咖啡師的意見,或者在網上找到的知識,主要可以分做六個描述咖啡的元素:

 

1)香氣,就是用鼻聞咖啡的氣味。

我哋會分做兩種香氣,第一種就係叫乾香,第二種就係濕香。乾香通常指咖啡豆研磨好之後,散發出來的香氣,一般都係會好濃郁,可能會有朱古力,堅果,水果,甚至花香的氣味。乾一般15分鐘之內就消失了大半。所以如果要聞的話,就要係新鮮研磨之後就開始聞了。

 

濕香就當然就是加水之後了,咖啡豆入邊的成份會被水萃取左來,然後再透過水蒸氣,帶到去我們鼻入邊。聞起上來,一樣會好香,更帶出溫暖濕潤的感覺,更加能夠表現到不同咖啡豆,各自的風味特色。

 

2)味道,一般就是指咖啡豆的甜味、酸度、以及苦澀味。

不同產地的咖啡豆、不同的品種、種植出來的環境、不同處理的方法,引伸出來的味道都會非常不同的。有啲可能會酸度高啲,有啲可能會苦味相對來講高啲。仲有一樣野,就係不同烘焙的方法都會十分影響咖啡豆味道。淺烘焙的咖啡豆,酸度相對來講就會比較突出啲,而比較深少少的烘焙,咖啡豆苦中帶甜的味道就會較為突出。

 

 

3)醇厚度,即是我們經常講的body了。

如果飲入到口內感覺比較有份量,多些質感,我哋通常就會講呢個咖啡比較厚身一些。相反,如果比較輕,Dry少少的感覺,我哋就會講呢個咖啡比較薄身了。好多時咖啡豆的處理方法會好影響 Body,例如日曬同埋水洗,都會製造出不同的咖啡厚度。再配合返咖啡豆的風味,厚及薄身都各有好處以及特色。

 

4)風味

呢一個就比較抽象少少了,一般來講,就係味道之後結合埋其他不同的元素,帶出嚟千變萬化的咖啡變化。例如,一開始溫度比較熱的時候,可能你會飲到jasmine花,red grapes, 當溫度降低少少的時候,就可能會變成一啲Citrious 酸甜,再變動少少又會有另一種口味出嚟。呢啲不同層面,以及變化,就係咖啡風味得意的地方。而咖啡師最叻的地方,就係透過不同的沖煮咖啡方法、技巧、手法等等,將咖啡不同的風味展現出來。呢啲全部都係咖啡好玩的地方。

 

 

5)餘韻,呢一點就係指停留在口入邊的味道。

有一啲高品質的咖啡,就算係飲咗落肚,喉嚨深處都會保留着咖啡的味道,可能係一啲茶的感覺,可能係一啲回甘味,令到大家有仲好舒服的感覺,一直保持着。

 

6)平衡度

呢一點可能唔需要小編多講啦,就係好多不同的咖啡元素,合併發出嚟一個好平衡,同埋好和諧的感覺,令到大家會好舒服滿足。

 

總結返以上的六點,大家下次飲咖啡的時候呢就可以留意吓,方便大家去悉欣賞同描述一杯咖啡。亦希望可以讓自己,更具體了解邊一種咖啡係自己鍾意飲的。

 

 

 

好了,咁不如講第二部份,建議大家應該點樣去品嚐一杯精品的手沖咖啡呢?

小編覺得有三個步驟,大家可以參考一下。

第一,就係首先欣賞咖啡的香氣

如果你點手沖咖啡,有些咖啡小店,咖啡師會在咖啡豆研磨之後,俾你聞一聞呢個乾香。你第一下可以感覺有啲乜嘢氣味你聞到,例如果仁、朱古力等。之後就係當咖啡師沖好咖啡之後,大家唔需要心急即刻飲,因為可能都會太過熱,自己條脷受傷。大家不妨慢慢聞一下咖啡的濕香先,嘗試想像一下搵到的咩氣味。

 

 

第二,就係叫做啜吸

其實就係用嘴唇吸一啖小啖咖啡,如果要形容多D,就有D似大家食日本拉麵咁樣,啜條拉麵入口。點解要咁做呢?原來咁樣係可以最快將少部份的咖啡快速混入空氣,帶佢入去口腔內。加入左空氣以及咖啡進入到口內深D位置,更加能夠表達呢一個咖啡獨有的風味。大家可以感受到咖啡的清楚味道,例如甜度,酸度,花香味,水果味,堅果味等等。

 

第三,就係飲一啖咖啡停留係個口腔內面慢慢享受

停留喺口腔入邊你會更加清楚飲到咖啡的醇厚度 body, 可唔可以好順滑以及平衡。隨着時間,溫度會慢慢逐步咁樣降低。你每飲一啖入口,都可能會有不同的變化,呈現出咖啡的不同風味。 透過慢慢享受,亦都會開始感受到,咖啡停留喺口入邊的餘溫。

 

好了,我哋今次分享到呢度,多謝大家閱讀。 當然,享受咖啡係十分個人化的,大家都可以隨着自己的喜愛,輕鬆去品嚐,亦都唔一定要十分講究,最緊要自己鍾意就得了!

 

這就是咖啡。

 

如果大家有興趣想自己試下沖咖啡,其實亦都不難。在家亦都可以輕鬆 DIY 沖到一杯您自己喜歡既咖啡嘆下。 手沖咖啡需要的工具亦比較簡單,入門工具可能低至幾百元都可以。有興趣可以看看 eCup 咖啡工具 購買 。