香港咖啡樹 | 本地咖啡豆 | Made In HK

相信好多人都好鍾意飲咖啡，大家又有冇諗過咖啡係點樣種出黎嘅呢？你地又知唔知咖啡樹係點架呢？原來香港都有咖啡樹的。

小編剛剛認識到 O-Farm 入面啡農嘅負責人Mike，邀請我哋去參觀 O-Farm 入面既咖啡樹。我地仲好好彩係正佢地咖啡 Cherry 既採收期，可以幫手之餘，感受一下一杯咖啡最原始的第一步。 我地一齊跟 Mike 去睇下。

1. 咖啡樹

2. 咖啡果實 (Cherry)

3. 咖啡豆

4. 咖啡處理方法

根據Mike講，因為地理緣故，香港種出嚟嘅咖啡豆一定不及好多盛產咖啡嘅地方，例如非洲、南美洲等，所以Mike嘗試用好多唔同嘅方法，喺處理方面入手，嘗試搵出最能夠呈現香港豆嘅咖啡風味。

Mike 嘗試加入好多唔同嘅元素入去，進行咖啡嘅發酵，再配合唔同嘅咖啡豆處理方法，例如結合傳統嘅日曬、水洗、蜜處理等等。預期做出嚟嘅咖啡最後未必會有好多唔同嘅風味，但係真係真正嘅香港製造。

呢一點令到小編覺得真係好佩服，以及很有意義。

小型機器，可以協助從咖啡Cherry入邊取出咖啡核

Mike 大膽嘗試，加入紫蘇葉發酵，呢個亦都係小編最期待嘅一種

Mike 跟 Urban Coffee Roaster 創辦人 Gary 一齊研究點樣進行咖啡烘焙

Mike 帶領我哋一齊去採摘咖啡果，親自逐粒逐粒有咖啡樹上摘下，過程呢雖然好簡單，但係其實深深體會到做農夫一啲都唔簡單。我哋集眾人之力，居然一次過摘下5公斤咖啡嗰陣，大家都覺得好滿意。

努力下嘅成果

浮水測試

Cherry 如果浮起，代表 density 不足或者有空氣，咖啡豆質量不好。我地今次的 cherry, 目測只有10%浮水，結果相當理想

OFarm 入面的貓，聞說捉老鼠十分了得

總結

非常佩服 Mike 由從事電子IT行業，毅然轉到耕種，尋找自己嘅理想。 Mike 好清楚香港嘅咖啡豆品質上未必係好出色，但佢明白不同嘅咖啡豆都有自己嘅個性。佢希望用唔同嘅試驗方法，去找出邊一種處理嘅方法，可以最好咁樣呈現香港豆嘅特色。

同時間，佢好希望可以讓香港嘅大眾，飲咖啡嘅同時，知道咖啡豆嘅根源，了解其實一杯簡單咖啡都係得來不易。

參觀當天，未能遇見「老農田」創辦人葉子盛，希望下次再請教。 謝謝。

Mike 不久既將來，會舉辦分享會。 如有興趣，可按此留下聯絡電郵。