【將軍澳新咖啡店】U.C.R.

【將軍澳新咖啡店】U.C.R. 給小編 5 大驚喜!

Urban Coffee Roaster UCR - 大家對呢個本地精品咖啡的品牌應該都唔陌生。 如果您係資深的咖啡愛好者,都一定試過佢地自家烘焙既咖啡及咖啡豆。

佢地既旗艦店岩岩係將軍澳海濱公園開了!相信一定會吸引到好多唔單止住將軍澳嘅朋友,四周圍嘅啡友都會去試一試了。

 

小編好榮幸被邀請去試啡同埋試菜。真係一試難忘,實在係太多驚喜了!整合起來,覺得有5大驚喜位。

 

第一,當然就係佢哋嘅設計。無論係室外同埋室內,都貫徹佢哋 UCR 果一種 Vintage 工業風。軍綠色,銅鐵,磚牆等等。呢間旗艦店比小編感覺,更加帶出懷舊同埋品味,同而家最流行嘅純白風格完全對比,好特別!
第二,就係佢哋嘅食物。今次加入咗好多新嘅元宵,例如加入左一啲南美洲嘅食材以及煮法,亦都結合左一啲日本菜做fusion,我諗唔係周圍可以食得到。小編試左一個紫色蘿蔔做的魚生沙律,亦都好特別同好味。
第三、第四、第五點,就真係同咖啡有關了。
第三,就係佢哋處理已烘焙好的咖啡豆嘅方法。唔講你唔知,佢哋全金屬銅牆後面,其實都係冰格,更加有一個零下65度嘅冰櫃,收藏極級咖啡豆。
雪藏除咗令咖啡豆更能保持新鮮之外,咖啡豆係雪藏左之後,texture會變成比較fragile, 用磨豆器研磨嘅時候,會更容易令到咖啡豆磨得平均, UCR佢就係有呢一種追求極致嘅態度,很值得小編欣賞。
詳細背後原理,小編不太專業,大家可以跟店員了解。
第四,就係牛奶。牛奶有啲乜嘢可以做?喺UCR嘅世界當然有。
大家可能有聽過濃縮奶,大概就係將奶急凍結冰,將奶中主要水份嘅冰柱拿走,剩返嘅奶會點?極致綿滑嘅感覺就出現。
最後一點,都係同奶有關,而家好多人都鍾意飲植物奶,可以健康啲。
UCR直頭自己用腰果,杏仁,開心果等等自己做。
小編幾個月前,有去見證佢哋研究。明明成本上好難控制,佢哋都一直堅持,這點真係覺得好佩服。

Urban Coffee Roaster ( TKO )

地址:將軍澳藍塘傲地下12號舖

時間:08:00 - 22:00 (待定)

16/12 (三) 開始試業