尖沙咀cafe | Courage 18
第一次黎Courage 18，一見到入面既staff笑面迎接，就覺得心情愉快。
自問很佩服呢度店主Alan，憑堅持努力儲錢，係18歲個陣同partner開左呢間cafe。佢地門口特登騰出一個小空間，比不愛侷促既客人，一邊享受咖啡，一邊抖抖氣。 隨著季節，Alan會用心研究不同咖啡豆，調配不同咖啡。
試左個佢推介既手沖咖啡，嗅花香味道，清澈輕盈，飲一啖帶果味。聽佢建議再聞聞杯入面，發覺真有少少焦糖味。不難感受到Alan既用心，及佢自己既風格。同Alan傾計之前，開頭以為好cool，實際卻友善熱情得很，我就係喜歡簡單努力呢一種人。
