咖啡冷知識 | 令人放鬆的心靈咖啡: 土耳其咖啡
令人放鬆的心靈咖啡: 土耳其咖啡
土耳其咖啡所追求嘅不但只係咖啡，仲係生活，點解我會咁講呢?
係因為土耳其咖啡嘅做法，佢地對咖啡嘅器材同烹調方法都非常之講究。土耳其咖啡係用最古老嘅咖啡烹調方法，佢嘅烹調方法係需要用一個煮咖啡的器具，而個名就叫做Cezve，即係一個長柄嘅土耳其咖啡壺，將水、咖啡粉同糖一齊煮，而係烹調嘅過程入面係唔會過濾咖啡粉。
所以當大家飲土耳其咖啡個陣時，如果連粉飲嘅話，係會有一種粗糙的質感。 土耳其咖啡，係香港一個咁忙碌嘅社會生活入面，係會訓練到人嘅耐心同有放鬆心靈嘅效果，因為土耳其咖啡需要細心慢煮同埋準備好器材，並唔係一種可以隨即沖到嘅飲品，需要細心照料每次沖煮嘅過程，而個過程係需要五至十分鐘。
而當飲完咖啡之後，土耳其人會首先將碟子蓋住個咖啡杯，然後將隻杯反轉，等啲咖啡粉凝結咗之後，就可以從咖啡嘅紋理入面解讀占卜運程。
例如人魚係代表商業同愛情上會成功，花就代表幸福。不過傳統歸傳統，占卜嘅結果都唔可以100%盡信!
$100.00
$135.00
