Winston's Coffee
環爹核士街11號浚峰地下8號舖
+852 2559 5078

香港咖啡店 | 歐美戲院風格咖啡店: Winston's Coffee

單睇營業時間，由朝早7點開到11點，就知呢間位於西環嘅咖啡店 －Winston Coffee有別於一般 。

地鐵站一出去就見到呢間以黑白色調打造型格復古嘅感覺嘅咖啡店，招牌採用舊式歐美戲院嘅風格，入去就見到用黑白格仔同店名做嘅地板設計，而座位全部都係高凳同bar枱。

問Barista先知呢度朝早至下午主要賣咖啡，下午至夜晚就會賣埋酒，仲邀請我有機會夜晚去試下佢地自家調製嘅Expresso Martini，態度好nice！我買咗杯Mocha，伴碟係一塊小餅乾，係外國叫Biscotti，質感比較硬身，有開心果同杏仁係入面，搭配咖啡嘅味道好夾！Mocha上面嘅拉花好細緻，第一啖感覺咖啡味突出，奶味適中，唔會掩蓋到可可味。

而呢度最近每逢星期四既5點到10點有個有趣嘅活動，叫做TOSS the BOSS，係購買飲品嘅時候估下硬幣嘅「公」或「字」，估中嘅話店員就會免費請你飲你購買嘅飲品！

呢個遊戲呢最得意嘅地方係你可以將成班朋友仔所有嘅單一鋪過估，或者逐個個朋友自己去玩有得。