咖啡拉花

 

咖啡拉花 | 有種咖啡藝術叫拉花

拉花,係咖啡師製作咖啡後用奶泡拉出黎嘅圖案,最常見有心形、樹葉同鬱金香。拉花嘅技術易學難精,前提係唔應該影響咖啡嘅質感同味道,拉花就好似一張包裝紙咁,將咖啡當係禮物,精美咁呈現係顧客面前。

咁點先算一個出色嘅拉花?

1. 採用脂肪含量較高嘅全脂奶,可以確保奶泡打得綿密實淨
2. 打奶嘅溫度要適中,太高會破壞奶嘅營養,太低就難以保持圖案嘅完整性
3. 拉花嘅線條分明,對比清楚易見

市面上更出現咗立體圖案嘅拉花,各種卡通人物、動物都吸引顧客去試。大家又知唔知3D拉花係點製作呢?

原來3D拉花並唔似傳統拉花一樣,將奶倒入咖啡杯再拉出黎,而係將溫度低、質感較硬身嘅奶泡堆砌在咖啡上。所以製作時間比一般咖啡長得多,大概係12至13分鐘,時間太長會影響咖啡嘅味道,所以若然係未試過3D圖案咖啡,體驗一下特別嘅拉花都係值得一試,但係相信普通咖啡會係你真正每日嘅需要。

10月 05, 2019