4 間將軍澳海濱長廊人氣咖啡店

將軍澳區近年有不少特色cafe咖啡店進駐，唔再係美食沙漠！大家除咗行驚安の殿堂Don Don Donki之外，亦可以品嚐一下咖啡同靚景，享受悠閒的一天。

以下為大家推介四間位於將軍澳海濱長廊咖啡店﹕

1. Urban Coffee Roaster TKO

IG@_seriousfoodblog_

大家對呢個本地精品咖啡的品牌應該都唔陌生，如果你是資深的咖啡愛好者，都一定試過佢地自家烘焙既咖啡及咖啡豆。Cafe佔地3000呎坐擁海景，裝修以復古工業風為主，軍綠色碰上銅鐵及磚牆更加帶出懷舊風味，有不少打卡位。
全金屬銅牆的後面，其實都是冰格，更加有一個零下65度的冰櫃，用作收藏極級咖啡豆。雪藏除咗令咖啡豆更能保持新鮮之外，咖啡豆係雪藏左之後，texture會變成比較fragile，用磨豆器研磨嘅時候，會更容易令到咖啡豆磨得平均。

而UCR亦有濃縮奶，大概就係將奶急凍結冰，將奶中主要水份嘅冰柱拿走，剩返嘅奶就會更極致綿滑。好多人都鍾意飲植物奶，UCR就直頭自己用腰果，杏仁，開心果等等自製。食物方面則加入了南美洲食材及煮法，結合了日本菜做fusion，大家不妨去試試。

* 歡迎使用 eCup app 落單及儲印花

地址：將軍澳唐賢街29號藍塘傲地下12號舖 
營業時間: Mon - Sun 0800-2200
Tel: 2383 3362

2. NOC Papillons & Bakery

 IG@hk_foodblog

NOC Coffee Co. 曾經入選全球50間最佳咖啡店之一，相信大家對此品牌都略有所聞。而今次NOC終於喺將軍澳設立第6間分店啦，Cafe採用純白極簡約設計，透光空間感使店內光猛自然，環境寬敞舒適。

今次將軍澳的新店更係品牌首間設有NOC自家糕點烘焙空間的分店，每日都會新鮮出爐自家出品的蛋糕、麵包，及人氣焦糖蛋撻。此外，新店設有「零廢棄咖啡角」，鼓勵客人自備器皿購買無包裝形式的咖啡豆，方便又環保，如果冇都唔使擔心，Cafe內也有可重用的不銹鋼儲豆器皿購買。

咖啡豆方面就提供至少四款選擇，有NOC的House Blend No.18拼配豆，味道香醇濃厚，帶堅果香氣；及一系列來自世界各地的當季精選單品豆，提供不同的獨特風味。店內也有自動販賣機提供不同口味的咖啡掛耳包，給喜歡方便的客人。

地址： 將軍澳唐俊街21號翩滙坊地下1A號舖
營業時間: Mon - Sun 0800-2000
Tel: 2569 6069

3.  JOMO Kitchen & Health Hub

IG@90cp_foodie

JOMO 是JOY OF MISSING OUT 的縮寫，因第一間鋪選址在西營盤的一條小巷當中，目的是讓客人能夠享受片刻寧靜的空間。而現在也於將軍澳開設了分店，新店Jomo Kitchen & Health Hub結合美食與健身元素，係香港少見健身房cross over咖啡室的新概念小店。店內裝修走純白木系文青風，並設有戶外露天座位，可以帶埋毛孩吹吹海風。

此店咖啡由本地咖啡烘焙房Roast Work主理，以巴西 、哥倫比亞、危地馬拉和印尼的咖啡豆混合而成，入口帶有獨特的榛子、焦糖和可可風味，在口腔中久有餘香。JOMO 理解到每個人都有不同的飲食習慣，故此在蛋糕的選項當中，有自家製蛋糕之餘，更有不含雞蛋、乳製品或精製糖的純素蛋糕。喜歡素食的你，可以在JOMO享受到用心而高品質的甜點和咖啡，感受愜意的下午。

地址：將軍澳唐俊街23號澳南海岸MONTEREY PLACE地下G01號舖 
營業時間: Weekdays 0900-1800  Weekends 0900-2000
Tel: 2331 3003

4. stay with cafe Hong Kong

IG@das.bottle

呢間試業中嘅店鋪行輕工業型格風，水泥牆配上金屬及木質傢俱擺設，簡約有格調，門外亦設有座位，環境舒適。最重要係Cafe係Pet friendly㗎！每逢假日都坐滿唔同嘅狗狗，餐牌有成版Pet Menu提供俾各位主子慢慢揀，大家可以帶埋毛孩嚟一齊享受咖啡與美景，毛孩們就唔使再眼甘甘望住主人食嘢啦。
店舖提供多元化主食及輕食選擇，總有一款啱你。其中客人都很喜歡嘅Tiramisu Coffee賣相吸引，用手指餅浸落咖啡同cream cheese更能享受層次感！

地址：將軍澳唐賢街29號藍塘傲地下3B號舖
營業時間: 星期一例休 Tue - Sun 1100-1800