【觀塘Cafe推介】海濱Cafe | 工業區小店 | 本地烘焙 5間觀塘必去特色咖啡店介紹

講到觀塘區，除咗交通唔方便日日塞車之外，區內嘅多樣性都係觀塘嘅特色。無論係工廈林立嘅工業區、人流不斷嘅商場、悠閒寫意嘅海濱，每個區域有唔同面貌。

今次小編精選咗五間觀塘區咖啡店介紹俾大家，有開喺海濱俾你Chill住嘆啡，亦都有藏身於工業區嘅高質良心小店，其中有幾間更加係自家炒豆，質素絕對有保證，想知多啲就入嚟加入我地嘅Cafe Tour啦！

① Coffee Slave

Kwun Tong Cafe, 觀塘Cafe, 觀塘工業區, Hong Kong Cafe, 香港cafe, Cafe, Coffee Slave,

Coffee Slave坐落於觀塘工業區，雖然門口比較細，但店內空間好開揚，水泥牆身配上石紋地板，加埋牆身黑板上面「啡奴常在」四隻大字，喺工業風嘅裝潢之上盡顯Coffee Slave嘅「霸氣」風格！

Coffee Slave所用嘅咖啡豆全部都係自家烘焙，今個月都會更新單品豆清單，每次推出幾個地區嘅豆，客人可以根據個人喜好揀豆 (每期新豆都會喺Coffee Slave IG Story更新，有興趣嘅你可以去睇下！)。而Coffee Slave嘅Lunch Menu都係定期更新，更加有限量供應嘅定食套餐，充滿驚喜！由「啡奴」精心沖製嘅靚啡加上優質食物，行經觀塘一定要去試下！

✦Coffee Slave✦

地址 : 觀塘鴻圖道43號鴻達工業大廈地下2A號舖

② Sinbad Coffee Roaster

觀塘Cafe, Kwun Tong Cafe, 觀塘海濱, 觀塘海濱Cafe, Chill Cafe, Sinbad Coffee Roaster, Sinbad Coffee, 香港Cafe, Hong Kong Cafe, Hong Kong Roaster, 香港咖啡豆, 本地烘焙

一聽到Sinbad呢個名，Logo仲有船錨同章魚腳，就唔難聯想到Sinbad Coffee Roaster同海有關係啦。Sinbad Coffee Roasters本身係一間批發手工烘焙咖啡豆嘅小型網店，而佢地幾年前喺觀塘海濱開設佢地嘅實體店，提供手沖同Espresso-base等各類咖啡，俾途經海濱嘅人一個舒適優閒嘅地方休息。

Sinbad舖面唔大，藍白色嘅配色好有海洋氣息，而佢地嘅木門同座位隔離嘅木牌勁精美，好多人行過都會停低影相。當然，佢地嘅咖啡質素有保證，自家烘焙出品確保到咖啡嘅新鮮度，加上Sinbad係分小批次炒豆，對成品嘅品質控制會更好。觀塘海濱有一間咁chill嘅小店，你點可以錯過？

✦Sinbad Coffee Roaster✦

地址 : 觀塘海濱道90號地下2號舖

③ Lobby Café by DS Studio

觀塘Cafe, Kwun Tong Cafe, 觀塘APM Cafe, APM Cafe, DS Studio, Lobby Cafe, 本地烘焙, 香港Cafe, 香港咖啡, 觀塘咖啡店, Hong Kong Cafe, Hong Kong Roaster

Lobby Café藏身喺觀塘APM 3樓扶手電梯嘅一角，平時行過可能唔會為意呢度係一間咖啡店。但一入到舖頭坐底，就會感覺到全店嘅氧圍同商場嘅煩囂截然不同。簡單而帶有家居感嘅內裝配埋店內嘅暖光，格局唔大但間隔都算舒適，行商場行到攰嘅時候入去坐下簡直Perfect！佢地嘅招牌甜品Affogato喺雪糕上面加上一塊棉花糖，令口感更加豐富，去到一定要試下！

Lobby Café係由專營精品咖啡業務嘅本地企業DS Studio主理，佢地以”From Farm to Cup”嘅理念經營業務，簡單嚟講就係唔經過中介同其他公司，直接從莊園同農家入口生咖啡豆，再喺本地烘焙出售，令入口到銷售嘅全過程都有保障。而佢地使用唔同產地嘅單品以及自家拼配豆，更加不時會推出直送茶葉等其他產品，有興趣就上eCup或者DS Studio網頁睇下啦！

✦Lobby Café by DS Studio✦

地址 : 觀塘觀塘道418號創紀之城五期(apm)3樓5號舖

④ Urban Coffee Roaster (裕民坊)

觀塘Cafe, Kwun Tong Cafe, 本地烘焙, 香港Cafe, 香港咖啡, 觀塘咖啡店, Hong Kong Cafe, Hong Kong Roaster, 裕民坊Cafe, Urban Coffee Roaster, YM2 Cafe, UCR

Urban Coffee Roaster喺裕民坊最新開張嘅分店主打咖啡同調酒嘅Crossover，喺佢地IG上面可以見到UCR喺新店推出唔少極具特色又賣相吸引嘅Crossover飲品。而講到UCR點少得佢地嘅優質咖啡呢，嚴選各地咖啡豆，再交由烘焙師新鮮本地炒豆，唔止品質優秀，零售裝嘅罐裝包裝外觀亦非常精緻，無論自用家送禮都係最佳選擇！

UCR觀塘店嘅裝修亦係一大特色，行入舖頭就會見到中心部分半圓形吧台，可以將咖啡師同調酒師嘅專業手法一覽無遺；而店內圓柱上面用懷舊字體題上「九龍官塘」，同埋另一面「咖啡調酒」八隻大字，將地區特色融入喺舖面設計，自然吸引唔少人打卡。而佢地特高樓底加上落地玻璃作吸光，整體感覺非常開闊，絕對係一個新嘅好去處！

✦Urban Coffee Roaster✦

地址 : 觀塘協和街33號裕民坊305號店

⑤ NUTMAD café and dining

NUTMAD原本係工廈嘅樓上Café，一路以來憑佢地高質服務打出口碑，而佢地年頭「細舖搬大舖」，入主觀塘Eastcore，喺新環境為客人提供更佳體驗。店內嘅裝修充滿舊香港情懷，卡位間隔上面嘅彩色玻璃磚、牆上嘅水泥磚、舊式熱水壺，連天花上面都會見到唔同色嘅晾衫竹。呢種保留時尚感嘅Crossover真係好吸引！

搬舖後嘅NUTMAD升級咗嘅梗係唔止舖面，佢地嘅新Menu保留咗工廈時期嘅心思，再加上新嘅元素同精緻嘅擺盤，不論賣相定口味都令人滿意。唔少客人去到必點嘅就係Carbonara，佢地以意大利傳統做法，唔落忌廉只以蛋黃汁同簡單調味料做出Creamy嘅口感。仲有即叫即整嘅French Toast，外脆內軟嘅多士配上雪糕同水果，簡直係絕配！