★7間荃灣/葵涌必去特色咖啡店★

近年香港各區都開左唔少高質嘅精品咖啡店，每一間都充滿特色。荃灣同葵涌區嘅Cafe就出曬名靚，無論係外觀定內裝都非常吸睛，絕對係打卡好去處！

今次小編就帶大家走入荃灣同葵涌，一齊睇下有邊幾間值得一試嘅coffee shop啦！

① Return Coffee 362

Photo by FB >>@returncoffee362<<

Return Coffee 362藏身喺沙咀道一角，舖面唔大但醒目嘅黑白外裝配上大幅玻璃門令佢非常顯眼。Return Coffee 362位置同荃灣最繁忙嘅區段有一段距離，就好似繁華鬧市之中嘅小綠洲，客人可以喺寧靜舒適嘅環境嘆下咖啡幫自己叉下電，算係荃灣區比較少見嘅悠閒休息好去處。

店內有熱食供應，有賣相獨特黑炭漢堡，以混入黑炭粉嘅麵包夾住手打漢堡扒，每啖都充滿肉汁。仲有巴斯克芝士蛋糕，焦香嘅表層襯托出芝士嘅香同餅底嘅甜味，簡直係完美配搭。加上以Return Coffee獲獎嘅house blend咖啡豆沖調出嘅咖啡，一定令你一試難忘！

地址: 荃灣沙咀道362號地下G號舖

營業時間: 星期一至六 --- 08:00 - 18:00 / 星期日&公眾假期 --- 09:00 - 18:00

② HIKARI

Photo by IG >>@hikari__coffee<<

HIKARI喺日文意指「光」，而佢地都店如其名，以大幅玻璃窗採光，將室外嘅自然光線儘可能帶入室內，配合高樓底構成空間感十足嘅環境！坐喺窗邊位景色簡直一流，但呢個打卡最佳位置好搶手，想體驗下就要早啲嚟啦~

HIKARI主打可以自由配搭嘅Sourdough brunch，麵包內餡到醬料都任君選擇，加上充滿創意同美感嘅拉花咖啡，一舉滿足客人嘅視覺同味覺。佢地仲有其他特色小食同甜品，絕對比到你無盡嘅驚喜！

地址: 荃灣大壩街21號地舖

營業時間: 星期一至日 --- 11:00 - 22:00

③ Homu by Favilla

Photo by IG >>@favillacafe<<

Homu裝潢充滿日系風格，木製桌椅加上一旁嘅小型包廂位，好有處身喺屋企的感覺。Homu相比其他咖啡店，更偏向係一間主打日式西餐餐點嘅餐廳，早午晚市都各有set menu提供輕食、甜品同埋定食套餐，食物水準非常高，好適合一家大小或者一班朋友去試下~

而Homu嘅咖啡亦別出心裁，熱飲杯會以方形細木箱裝住，好有格調，而玫瑰咖啡、抹茶咖啡等speical menu都充滿驚喜！值得一提嘅係Homu有北歐風格同和式風格兩款咖啡豆可以揀，兩款嘅酸度、風味同香氣都唔同，客人可以依照個人口味揀啱自己嘅豆~

地址: 荃灣青山公路荃灣段398號愉景新城2樓2013號舖

營業時間: 星期一至四、星期日 --- 11:30 - 21:30 / 星期五、六 --- 11:30 - 22:00

④ Time Coffee

Photo by IG >>@time.coffee.co<<

呢間坐落喺葵芳嘅迷你咖啡小店以佢墨綠色嘅外觀吸引眼球，舖面細細一眼睇得曬，幾個吧檯嘅座位正對住店內，同咖啡師嘅距離極近，客人可以邊欣賞咖啡師嘅手藝邊細味店內嘅氣氛。檯上放左唔少復古嘅擺設同卡式帶盒，整體嘅格調非常懷舊！

佢地唔止有精選嘅單品豆手沖咖啡，仲有以佢地獨家house blend所沖調出嘅各款咖啡，配上唔同款式嘅輕食同甜品，可以話係perfect match！其中佢地各款bagel十分出名，包括超獨特嘅咖央bagel，絕對會比到你驚喜！

地址: 葵芳榮芳路79號葵樂大廈地下F1號舖

營業時間: 星期一至日 --- 09:00 - 18:00

⑤ Relax Coffee

Photo by IG >>@relaxcoffeehk<<

Relax Coffee位於工業區附近，純黑外牆襯上落地玻璃令舖頭外觀十分型格，亦都令店內採光良好，加埋正門玻璃上面嘅幾款咖啡圖案同埋綠色花牆，整體風格簡潔而優雅。雖然店內位置唔多，但勝在環境同氣氛夠舒服，好適合同朋友坐底嘆啡吹水！

Relax Coffee對咖啡十分講究，各款精選嘅單品豆可以手沖或做成espresso，依照客人喜好沖調出最啱口味嘅咖啡。最近亦都推出左新coffee menu，四款冬季飲品各有特色，有香甜可口嘅香蕉雲呢拿，暖入心嘅黑糖薑汁咖啡，咖啡師用心炮製嘅各式咖啡梗有一款啱你心水~

地址: 葵涌葵昌路地下G06號鋪

營業時間: 星期一至五 --- 08:00 - 18:00 / 星期六 --- 12:00 - 18:00 / 星期日 --- OFF

⑥ Espresso Alchemy (如心廣場一期)

地址: 荃灣楊屋道8號如心廣場商場一期地下G02號舖

營業時間: 星期一至五 --- 08:00 - 19:00 / 星期六、日 --- 09:30 - 20:30

⑦ KOKO Coffee Roasters

地址: 荃灣白田壩街45號南豐紗廠六廠地下G09號舖

營業時間: 星期一至日 --- 09:30 - 19:30

⑧ 更多咖啡店介紹

我地eCup website仲有好多其他地區精選咖啡店介紹！唔想錯過就記得subscribe我地website同埋download我地嘅app啦！

＞＞＞①【中西區精選Cafe】5間新開中西區特色咖啡店介紹☕️①＜＜＜

＞＞＞②【上環特色Cafe小店】推廣可持續發展嘅Coffee & Laundry 「CLEAN」②＜＜＜

＞＞＞③【尖東全新Cafe&Bar】尖東新開必去高質Coffee & Bar 「B’hood」③＜＜＜