呢兩年好多人都要Work From Home，但喺屋企做野同溫書難免會集中唔到精神。正因為咁，唔少共享空間開始出現喺大眾視線！佢地有極為靈活嘅收費同開放時間，加上寧靜嘅環境同相對開闊嘅格局，吸引咗唔少freelancer、學生，同埋星期六日都要處理公司事務嘅打工仔！

講到做野同溫書，一杯靚咖啡絕對係提升效率嘅最佳法寶！而我哋今次介紹嘅咖啡小店就藏身喺銅鑼灣共享空間MyBase入面，以台灣咖啡豆SIMPLE KAFFA作為House Bean，提供勁優質嘅精品咖啡俾共享空間用家！有咁高質服務嘅共享空間，你又點可以錯過！❤️

地址: 銅鑼灣波斯富街99號利舞臺廣場10樓B

營業時間: 星期一至日 --- 10:00 - 18:00

 @MyBase Brew Lab IG -> https://www.instagram.com/mybasebrewlab/

① MyBase BrewLab

MyBase分別喺旺角、荃灣同埋銅鑼灣開設共享空間，而今次介紹嘅MyBase Brew Lab就係喺銅鑼灣共享空間入面附設嘅精品咖啡店。佢地提供優質咖啡同食物，加上自製Bagels同蛋糕，如果客人想放break嘆下咖啡同輕食都唔需要落樓，行兩步路去Brew Lab咖啡吧就可以落單，慳時間又慳腳力！

正因為MyBase嘅團隊希望為香港人提供方便而舒適嘅工作環境，所以店內無論係格局定服務都充滿心思，務求令用家可以喺唔受阻礙咁集中喺自己嘅工作上！

② 環境

MyBase以簡單工業風裝潢配上採光度充足嘅設計，令到室內空間感十足；而燈光光源較溫和，加埋窗外自然光線，營造出勁舒適嘅視覺效果！加上位置間隔寬敞，仲有多人長木檯、隔音房同單人座選擇，無論係一班人傾project定一個人奮鬥都可以搵到個perfect spot！

而Brew Lab就喺MyBase最入面，細細間嘅舖面整齊擺放Espresso機同手沖設備等咖啡用具。整體嘅裝潢亦沿用共享空間嘅主題，淺色調嘅配色加上木製櫥櫃同用具，真係好有格調！

③ 飲品

Brew Lab嘅飲品選項唔算好多（畢竟咖啡吧位置有限），有一般咖啡店有嘅Espresso同手沖，亦都有提供Ice Drip同Cold Brew。

但Brew Lab嘅特色就在於別出心裁嘅拉花！最標準嘅心形當然難唔到咖啡師，仲有各式動物例如馴鹿、猩猩，仲有獨角獸同好可愛嘅龍貓！喺到一定要叫返杯Latte或者Matcha Latte欣賞下呢啲神級拉花！❤️❤️

④ Workshops

MyBase Brew Lab更加會不定期舉辦唔同種類嘅workshop，例如咖啡拉花班、花藝班等等。聖誕節嘅時候就請咗導師開設迷你聖誕樹嘅手作班，比參加者DIY整一棵雪松製嘅細聖誕樹！

另外MyBase亦有同唔同機構合作，合辦包括讀書會、分享會等各式活動。加上有一部分用家以MyBase當做小組教學甚至小型工作坊嘅舉辦場地，所以有興趣參與呢類活動嘅你，可以去MyBase嘅網站了解下！

⑤ 更多咖啡文章

我地eCup website仲有更多以咖啡為題材嘅文章，想了解更多有關精品咖啡嘅知識或者本地嘅特色小店，就click下面嘅link或者去我地嘅website睇多啲啦！

＞＞＞①【咖啡小知識】咖啡與它們的產地，地理環境點樣塑造咖啡豆嘅風味① ＜＜＜

＞＞＞②【新興咖啡沖煮法】好睇又好飲！超人氣虹吸咖啡介紹~②＜＜＜

＞＞＞③【尖東全新Cafe&Bar】尖東新開必去高質Coffee & Bar 「B’hood」③＜＜＜