愛爾蘭咖啡
不能說的愛情: 愛爾蘭咖啡

不能說的愛情: 愛爾蘭咖啡

提到愛爾蘭咖啡,相信大家都能聽過呢杯有酒嘅咖啡,以熱咖啡、愛爾蘭威士忌、糖攪拌而成,最後加上一層奶油。咖啡香與酒嘅麥味散發出黎,味道酸中帶甘苦。呢杯咖啡係唔可以攪拌,而且比其他咖啡更需要趁熱飲,因為酒精揮發嘅速度快,味道就會隨時間改變得快。 

可能大家都唔知愛爾蘭咖啡背後有個特別嘅故事

呢杯咖啡由一位酒保發明,係為了一位佢鍾情嘅空姐所調制。可惜空姐每次去到酒吧都只係點咖啡,酒保無機會調製佢擅長嘅雞尾酒請空姐飲。後來酒保將雞尾酒同咖啡結合,並名其為愛爾蘭咖啡。

足足等咗一年,酒保終於等到空姐點愛爾蘭咖啡,佢係製作呢杯咖啡之後太激動,忍唔住流下眼淚,佢就用手指抹走眼淚,偷偷地用手指上嘅眼淚係咖啡杯沿畫咗一個圈。所以世上第一杯愛爾蘭咖啡有一種「深愛卻沒有說出口」嘅味道,而呢杯咖啡當時只有空姐點得到。

空姐非常喜歡呢杯愛爾蘭咖啡,雖然兩人最後十分熟識,但並未成為情侶,空姐最後辭職,不再做空姐,於是酒保為空姐調製最後一次愛爾蘭咖啡。

如果你有一種講唔出口嘅思念,不如點一杯愛爾蘭咖啡,靜靜咁體會下呢杯咖啡帶比你嘅感覺!

 

不能說的愛情: 愛爾蘭咖啡
不能說的愛情: 愛爾蘭咖啡
4月 30, 2019