Blog
觀塘隱秘工廈打卡Cafe: Nutmad
小編最近搵食搵到去觀塘，發現一間開係工廈嘅 Nutmad。一上到去除咗環境舒適之外，會見到個開放式廚房，令食物嘅香味遍佈店舖，相信廚師係想同客人有多啲交流，所以希望比客人見到個煮食過程。我今次就飲咗杯Latte，飲落去奶味突出，口感柔順，咖啡香味會係後面慢慢滲透出黎，最後有咖啡嘅微苦，呢個層次比例隨住時間而改變。另外叫咗風乾火腿、無花果配芝士嘅酸種包，個包烘到好脆口，配搭鹹香嘅火腿芝士，口感豐富美味。店內仲有唔少食物可以品嘗☺！Nutmad 好多人特登來光顧及打卡。
