咖啡同酒相信係現今香港人最喜愛嘅兩種飲料，一種係上班一族嘅動力來源，另一種係都市人放鬆紓壓嘅靈藥。佢地各自都蘊含一種藝術，能夠演釋出無限嘅可能性以及源源不絕嘅驚喜。而當兩者互相結合、碰撞，就可以創造出新嘅火花，打破大家固有嘅想像，帶嚟創新嘅衝擊。
本地得獎調酒師Paul Chan同國際咖啡品質鑑定師Jeffrey Wu嚟尖東聯手開設創新咖啡酒吧餐廳B’hood，以佢地嘅專業技巧為咖啡同調酒嘅愛好者帶嚟驚喜。Paul同Jeffrey憑藉豐富經驗同創意，聯手打造與別不同、打破傳統框架嘅嶄新體驗，今日就由小編帶大家了解下B’hood嘅服務同餐飲有幾特別啦~

.
B'hood
地址：尖東麼地道75號南洋中心地下32-35號舖
營業時間：Mon - Fri 0800-0000 / Sat & Sun 1200-0000
Social Media: FB IG

1. 多元化咖啡體驗

B’hood朝早由Jeffrey坐鎮，以各種沖調手法同器具，配合不同產地咖啡豆嘅風味同特性，為客人呈上最完美嘅咖啡。Jeffrey鍾情於虹吸式咖啡，佢認為虹吸相比傳統手沖，沖調過程中嘅壓力較大，喺萃取咖啡豆風味同維持口感嘅平衡上嘅表現更為出色。


而B’hood嘅招牌作就係以虹吸法沖煮出嘅無酒精Irish Coffee。Jeffrey以虹吸壺萃取出咖啡豆本身嘅酒韻，喺唔加入任何酒類嘅情況下依然呈現出Irish Coffee充滿酒香嘅風味。加上精選來自各地嘅單品咖啡豆，以及同本地炒豆師合作、精準控制烘焙品質，令B’hood嘅咖啡體驗既多元化又充滿新意。

2. 特色調酒

午後嘅B’hood由Paul接棒，提供各款獨特新派調酒。Paul希望為現今調酒市場嘅經典配方加入新意，以全新元素結合其中，比調酒更多發揮空間。


B’hood幾款獨家調酒配方各有特色，驚喜層出不窮：佢地推出嘅幾款Highball各以唔同外形嘅高身杯呈上，喺外觀上已經盡顯創意，其中無酒精嘅Hanakotoba(花語)就好似花束一樣，配以汽泡花草茶，不論外觀內涵都與別不同，而其他口味都可以帶嚟視覺同味覺嘅享受

3. 調酒x咖啡 完美Crossover

講到B’hood主打嘅當然係調酒同精品咖啡嘅crossover啦！Paul同Jeffrey聯手打造出嘅獨家配方融合二人專長同技術，以全新手法同視點造出三款Coffee Highball！


首先，Seen Juice以冷泡咖啡為基底，配合調酒師嘅虹吸注氣技術，為特飲注入嶄新而刺激嘅口感；用黑冧酒做冰滴嘅Fruiter’s Spanish將酒香融入咖啡風味，冰滴長時間嘅萃取令成品味道更加立體；而Is it a mocha?以朱古力風味嘅咖啡豆加入鮮奶冷泡，以調酒界嘅浸泡(Infusion)手法為基礎，為Highball增添一般mocha朱古力醬嘅風味。


B’hood亦都嘗試以虹吸咖啡配上唔同酒底，造出冬日特飲。期待佢地會繼續帶嚟更多驚喜！
 

4. 獨特歐式輕食搭配

香港人去Café嗌輕食好多都會揀All-day breakfast，但B’hood同一般咖啡店唔同，輕食menu以西班牙蛋餅(Spanish Omelete)作為主打。佢地將打發過嘅蛋漿以高溫烤焗，做出外脆內軟嘅口感，加上客人可以自由選擇配料，不論係傳統嘅薯仔、煙肉、芝士內餡，亦或加入蟹肉龍蝦汁嘅海鮮版定黑松露配野菌嘅素食版，每一款都極為吸引！

另外仲有用法國酥皮麵糰製成嘅酥皮窩夫同埋其他手作甜品，配上多款飲品同咖啡，可以自由配搭出一個perfect match！

而B'hood已經喺我地eCup platform上面搵到架啦，對呢間咁有特色嘅Coffee & Bar有興趣嘅你，用手機eCup app就可以隨時落單！快啲去試下啦！

如果想睇多啲本地特色咖啡店推介嘅話，記得留意我地eCup app同website嘅update啦~

>>>將可持續發展理念融入服務 - CLEAN Coffee & Laundry<<<

>>>5間新開中西區特色咖啡店介紹☕️<<<